Makamishna a kamiti ya bururi ya gutetera ihoto cia muingi aria mekinyiire makienda muikariri giti wao Florence Jaoko eyeheria giturwa-ini kiu, ni mang’etheirwo magithingatwo mataaririe watho uria marahuthirire kuhetukia ndereti ya kwagira Jaoko mwihoko. A-member a kiama kia mawakiri bururi LSK, aruna ao kiama-ini kia mawakiri atumia FIDA ohamwe na kiama gia kimabururi kia ateithiriria a magoti ruhonge rwa Kenya-ICJ, nio makuriire maitho makamishna acio, makiuga mawatho maria mari kuo matithathaurite na kinyi njira cia kuhagura muikariri giti ona kana itumi iria ingicungirira ikinya riu. Akiaria handu-ini ha a-member a ciama icio, murugamiriri wa ruhonge rwa ICJ guku bururi-ini Njonjo Mue, augire ni meheyanite kwambika miario ya kuhorohia nditimurano iria igumiire kamiti ya gutetera ihoto cia muingi. Ndumiriri ya ciama icio yukite ihinda-ini riria makamishna a kamiti iyo maragomana kwaanirira ikinya riria mecuranitie gutacukia Jaoko, uria urerumire kini muthenya wa ira akiuga ndaranyegenyuka giturwa-ini kiu itina riake ritakinyite muthia mwaka-ini wa 2012. 

-----------------

The row over the leadership of the Kenya National Commission on Human Rights entered its third day with the International Commission of Jurists Kenya chapter, FIDA and the Law Society of Kenya demanding an explanation from KNCHR commissioners on reasons for Florence Simbiri Jaoko's exit.